Placements

Visitors Counter

»Today   12               
»Week   113406               
»Month   621852               
==============
»Total  22684070        

Watumishi wa Sekretarieti ya Ajira watakiwa kuongeza ubunifu.

June 23, 2017


Katibu wa Sekretarieti ya Ajira katika Utumishi wa Umma, Bw. Xavier Daudi amewataka watumishi wa Taasisi hiyo kuendelea kuwa wabunifu na wachapa kazi zaidi katika utoaji wa huduma kwa wananchi hususan waombaji kazi ambao wamekuwa wakikutana nao katika uendeshaji wa mchakato wa Ajira Serikalini..

Amesema hayo leo wakati wa kikao cha pamoja na Watumishi wote wa Taasisi hiyo katika Maadhimisho ya Wiki ya Utumishi wa Umma kwa mwaka huu ambayo yalianza tangu tarehe 16 - 23 Juni, 2017 ikiwa ni utekelezaji ratiba yake ya kukutana na wadau wa ndani na nje ili kuweza kupokea hoja na maswali mbalimbali na kuyapatia ufumbuzi. .

''Pamoja na yote tuliyozungumza lakini ningefurahi zaidi endapo kila mmoja wetu anapokuja kazini kila siku anafanya kazi kwa ubunifu na kujituma akitambua huduma tunayotoa inagusa maisha ya watu na pia inahitaji mtu mwenye maadili, anayejali muda, mbunifu na mchapakazi ili kuweza kuleta tija kwa taasisi na wale tunaowadumia kupata huduma inayostahili'' alisema Daudi..

Katika Maadhimisho hayo wananchi mbalimbali waliweza kutembelea Ofisi za Sekretarieti ya Ajira na kuwasilisha hoja zao, kuuliza maswali, kutoa ushauri pamoja na kupata ufafanuzi wa namna uendeshaji wa mchakato wa Ajira katika Utumishi wa Umma ikiwa ni sehemu ya utekelezaji wa kauli mbiu ya maaadhimisho ya mwaka huu inayosisitiza Kuimarisha Ushirikishwaji wa Jamii katika Utoaji Huduma: Vijana Washirikishwe kuleta Mabadiliko Barani Afrikaā€¯.

Katibu huyo alihitimisha kikao hicho kwa kuishukuru Menejimenti na Watumishi wote kwa ushirikiano, kwa hoja na michango waliyotoa, akiamini yale yote waliojadiliana yanalenga kuboresha utendaji kazi wa mtu mmoja mmoja na Taasisi kwa ujumla ili kuweza kuisaidia Serikali kutimiza malengo iliyojiwekea..

Imetolewa na Kitengo cha Mawasiliano Serikalini, Sekretarieti ya Ajira katika Utumishi wa Umma.